 مر الفراق
 بسم الله الرحمن الرحيم ....
الشاعر ./. ماجد بن عمــر
7
7
7
البارحه هيضني الطير بغناه = وحلبت من در المشاعر فواقي
سراني وهاجوس قلبي تسراه = وذكرت فرقاً مابعدها تلاقي
السهر في عيني مقيم ٍ على ماه = والحزن في قلبي فتح له رواقي
ان جيت اعذل الجفن جاني من اقصاه = وان جيت اعذل القلب جاه الحراقي
حزن وسهر جاروا بعضهم مجاراه = تقول يجمعهم علي اتفاقي
والي يجيكم ياهل الفرش ماجاه = من قسوة الوحشه ومر الفراقي
فراق ٍ مهوب فراق قيس ٍ وليلاه = جذ الحبال من القلص والعراقي
الناس لابطت عن حدث شي تنساه = وانا من الذكرى على العهد باقي
اموت ماماتت من القلب ذكراه = طال الزمان وطال معه اشتياقي
ليت الحلال ترجعه واحلالاه = انكان يضون الهمل من نياقي
وسلامتكم ..
آخر تعديل اخوان ساره يوم 08-17-2009 في 01:39 AM. | 
05-19-2008, 02:59 AM
العرض العادي
